തിരുശേഷിപ്പുകള്‍ നഷ്ടപ്പെട്ടത്‌ വേദനാജനകമെന്ന്‌ ഉമ്മന്‍ ചാണ്ടി

തിരുശേഷിപ്പുകള്‍ നഷ്ടപ്പെട്ടത്‌ അത്യന്തം വേദനാജനകമാണെന്നു പ്രതിപക്ഷനേതാവ്‌ ഉമ്മന്‍ചാണ്ടി പറഞ്ഞു. തിരുശേഷിപ്പുകള്‍ മോഷണം പോയ മാപ്രാണം ഹോളിക്രോസ്‌ തീര്‍ഥകേന്ദ്രം സന്ദര്‍ശിച്ചശേഷം മാധ്യമപ്രവര്‍ത്തകരോടു സംസാരിക്കുകയായിരുന്നു അദ്ദേഹം. തിരുശേഷിപ്പുകള്‍ നഷ്ടപ്പെട്ടത്്‌ ഒരു വിഭാഗം മതവിശ്വാസികളെ മാത്രമല്ല എല്ലാവിശ്വാസികളെയും വേദനിപ്പിക്കുന്നതാണ്‌. എല്ലാ വിശ്വാസങ്ങളെയും പരസ്പരം മാനിച്ചും അംഗീകരിച്ചും മുന്നോട്ടു പോകുന്ന പാരമ്പര്യമാണു ഭാരതീയ സംസ്കാരത്തിനുള്ളത്‌. ഇത്തരത്തിലൊരു അനുഭവം ഈ ദേവാലയത്തിന്‌ ഉണ്ടായി എന്നു പറയുന്നത്‌ എല്ലാ ദൈവവിശ്വാസികള്‍ക്കും വേദനയുളവാക്കുന്നതാണ്‌. ഇതിനു പിന്നില്‍ പ്രവര്‍ത്തിച്ചവരെ കണെ്ടത്തി നഷ്ടപ്പെട്ട തിരുശേഷിപ്പു തിരിച്ചെടുക്കണം. എത്രയും വേഗം സത്യാവസ്ഥ പുറത്തുകൊണ്ടുവരാന്‍ സാധിക്കട്ടെയെന്നും അദ്ദേഹം പ്രത്യാശിച്ചു. തീര്‍ഥകേന്ദ്രം റെക്ടര്‍ റവ.ഡോ. ജോജി കല്ലിങ്ങല്‍ കാര്യങ്ങള്‍ വിശദീകരിച്ചു. അഡ്വ. തോമസ്‌ ഉണ്ണിയാടന്‍ എംഎല്‍എ, ഡിസിസി പ്രസിഡണ്റ്റ്‌ ബെന്നി ബഹന്നാന്‍, ഡിസിസി ജനറല്‍ സെക്രട്ടറി എം.പി. ജാക്സണ്‍, ജില്ലാ പഞ്ചായത്ത്‌ പ്രസിഡണ്റ്റ്‌ കെ.വി. ദാസന്‍, മുന്‍ മന്ത്രി കെ.പി. വിശ്വനാഥന്‍, വൈസ്‌ പ്രസിഡണ്റ്റ്‌ പി.എ. മാധവന്‍, ഡിസിസി ജനറല്‍ സെക്രട്ടറി അഡ്വ. ജോസഫ്‌ ടാജറ്റ്‌, സിഎംപി സംസ്ഥാന സെക്രട്ടറി എം.കെ. കണ്ണന്‍, ടി.യു. രാധാകൃഷ്ണന്‍ എന്നിവര്‍ അദ്ദേഹത്തോടൊപ്പമുണ്ടായിരുന്നു.