കെസിഎസ്‌എല്‍ പവിത്രമായ ദിശാബോധം പകര്‍ന്നു: മാര്‍ ജോസഫ്‌ പെരുന്തോട്ടം

തലമുറകള്‍ക്കു പവിത്രമായ ദിശാബോധം പകര്‍ന്നു നല്‍കിയ സംഘടനയാണ്‌ കെസിഎസ്‌എല്‍ എന്ന്‌ ആര്‍ച്ച്ബിഷപ്‌ മാര്‍ ജോസഫ്‌ പെരുന്തോട്ടം. സംസ്ഥാന കെസിഎസ്‌എല്‍ ദിനാഘോഷം എസ്ബി ഹയര്‍ സെക്കന്‍ഡറി സ്കൂളില്‍ ഉദ്ഘാടനം ചെയ്യുകയായിരുന്നു ആര്‍ച്ച്‌ ബിഷപ്‌. വിദ്യാഭ്യാസരംഗത്തു നിര്‍ണായക സംഭാവനകള്‍ സംഘടന സമ്മാനിച്ചിട്ടുണ്ട്‌. ശരിയായ വിദ്യാഭ്യാസ വീക്ഷണം ഉള്‍ക്കൊള്ളാന്‍ വിദ്യാര്‍ഥികള്‍ക്കു കഴിയണം. ജീവിത മണ്ഡലങ്ങളില്‍ ക്രൈസ്തവ സാക്ഷ്യവും മൂല്യവും പകരാന്‍ കെസിഎസഎല്‍ പ്രവര്‍ത്തകര്‍ക്കു കഴിയണമെന്നും മാര്‍ പെരുന്തോട്ടം ആഹ്വാനം ചെയ്തു. സംസ്ഥാന പ്രസിഡണ്റ്റ്‌ ഡോ.എഡ്വേര്‍ഡ്‌ ഏടേഴത്ത്‌ അധ്യക്ഷത വഹിച്ചു. ജനറല്‍ ഡയറക്ടര്‍ ഫാ. യേശുദാസ്‌ പഴമ്പളളി സന്ദശം നല്‍കി. അതിരൂപതാ കോര്‍പറേറ്റ്‌ മാനേജര്‍ ഫാ. മാത്യു നടമുഖത്ത്‌ മുഖ്യപ്രഭാഷണം നടത്തി. ഫാ.ജോസ്‌ പി. കൊട്ടാരം, ഫാ. സോണി കരുവേലില്‍, ഫാ. ജോസഫ്‌ അരിമറ്റം, പി.ജെ. ഏബ്രഹാം, ടി.ഡി.ജോസുകുട്ടി, ജോസ്‌ ജോസഫ്‌, ഈശോ തോമസ്‌, റജിമോന്‍ വി.എം. അരുണ്‍ മാര്‍ട്ടിന്‍, ജോണ്‍സ്‌ ജോണ്‍, അനൈഡ ആന്‍ ജേക്കബ്‌ എന്നിവര്‍ പ്രസംഗിച്ചു.