ഭാവിതലമുറയെ ആഴമായ വിശ്വാസത്തില്‍ വളര്‍ത്തണം: മാര്‍ ജോസഫ്‌ പവ്വത്തില്‍

ഭാവിതലമുറയെ ആഴമായ വിശ്വാസ ചൈതന്യത്തില്‍ വളര്‍ത്താന്‍ നാം ജാഗ്രത പുലര്‍ത്തണെന്ന്‌ ആര്‍ച്ച്‌ ബിഷപ്‌ മാര്‍ ജോസഫ്‌ പവ്വത്തില്‍. യൂദാപുരം സെണ്റ്റ്‌ ജൂഡ്‌ ഇടവക പ്രഖ്യാപനത്തോടനുബന്ധിച്ച്‌ നടന്ന പൊതു സമ്മേളനം ഉദ്ഘാടനം ചെയ്യുകയായിരുന്നു ആര്‍ച്ച്‌ ബിഷപ്‌. ഇളംതലമുറയെ നന്‍മയുടെ പാതയില്‍ നയിക്കാന്‍ ശ്രദ്ധ പതിപ്പിക്കണമെന്നും മാര്‍ പവ്വത്തില്‍ കൂട്ടിച്ചേര്‍ത്തു. കത്തീഡ്രല്‍ വികാരി ഫാ. തോമസ്‌ തുമ്പയില്‍ അധ്യക്ഷത വഹിച്ചു. വികാരി ഫാ. ജോസ്‌ ആലഞ്ചേരി, സി.എഫ്‌. തോമസ്‌ എംഎല്‍എ, ജില്ലാ പഞ്ചായത്ത്‌ പ്രസിഡണ്റ്റ്‌ രാധാ വി നായര്‍, സുധാ കുര്യന്‍, വി.ജെ. ലാലി, റോസമ്മ ജെയിംസ്, ശ്യാമള ടീച്ചര് , മാത്തുക്കുട്ടി പ്ളാത്താനം, ളൂയിസ്‌ ജോണ്‍ നേര്യംപറമ്പില്‍ എന്നിവര്‍ പ്രസംഗിച്ചു.