അഖില കേരള ബൈബിള്‍ കലോത്സവം ജനുവരി ഒന്നിന്‌

കെസിബിസി ബൈബിള്‍ കമ്മീഷണ്റ്റെ നേതൃത്വത്തില്‍ സംഘടിപ്പിക്കുന്ന അഖില കേരള ബൈബിള്‍ കലോത്സവം ജനുവരി ഒന്നിന്‌ പാലാരിവട്ടം പിഒസിയില്‍ നടക്കും. കോട്ടപ്പുറം രൂപത നിയുക്ത ബിഷപ്‌ ഡോ. ജോസഫ്‌ കാരിക്കശേരി കലോത്സവം ഉദ്ഘാടനം ചെയ്യും. വിവിധ രൂപതകളില്‍നിന്നു വിജയിച്ച ആയിരത്തോളം കലാപ്രതിഭകള്‍ മത്സരത്തിനെത്തും. രണ്ടു വര്‍ഷത്തിലൊരിക്കല്‍ നടക്കുന്ന കലോത്സവത്തിനുളള ക്രമീകരണങ്ങള്‍ പൂര്‍ത്തിയായതായി ജനറല്‍ കണ്‍വീനര്‍ റവ. ഡോ. ജോഷി മയ്യാറ്റില്‍ അറിയിച്ചു. ജനുവരി രണ്ടിനു വൈകുന്നേരം അഞ്ചിനു ചേരുന്ന സമാപന സമ്മേളനത്തില്‍ കെസിബിസി ബൈ ബിള്‍ കമ്മീഷന്‍ ചെയര്‍മാന്‍ മാര്‍ ജോര്‍ജ്‌ പുന്നക്കോട്ടില്‍ വിജയികള്‍ക്കു ട്രോഫിയും സര്‍ട്ടിഫിക്കറ്റും കാഷ്‌ അവാര്‍ഡും സമ്മാനിക്കും.