വിദ്യാഭ്യാസം വിദ്യാർഥികളുടെ ഹൃദയങ്ങളെ സംസ്കരിക്കുന്ന പ്രക്രിയയാണെന്ന്‌ ആർച്ച്ബിഷപ്‌ മാർ ജോസഫ്‌ പെരുന്തോട്ടം.

ദീപിക ബാലസഖ്യത്തിന്റെ ആഭിമുഖ്യത്തിൽ ചങ്ങനാശേരി എസ്‌എച്ച്‌ ഹയർസെക്കൻഡറി സ്കൂളിൽ നടന്നുവരുന്ന സംസ്ഥാന പ്രതിഭാസംഗമത്തിൽ അധ്യാപകദിന സന്ദേശം നൽകുകയായിരുന്നു ആർച്ച്ബിഷപ്‌. നല്ല മനുഷ്യരായി ജീവിക്കാൻ ഓരോ വിദ്യാർഥിയും ഹൃദയത്തിൽ മാനവിക, ആത്മീയ മൂല്യങ്ങൾ സംസ്കരിച്ചെടുക്കണമെന്നും ആർച്ച്ബിഷപ്‌ കൂട്ടിച്ചേർത്തു. അധ്യാപകദിനാഘോഷത്തിന്റെ ഭാഗമായി ക്യാമ്പിൽ നടത്തിയ ഗുരുവന്ദനം പരിപാടിയിൽ കുട്ടികളുടെ പ്രതിനിധിയായ സെബിൻ ബിജുവിനെ ആർച്ച്ബിഷപ്‌ അനുഗ്രഹിച്ചു.